لاہور(نیوزڈیسک)صدر مسلم لیگ (ق) چودھری شجاعت حسین نے سیاسی جماعتوں کے درمیان چارٹر آف اکانومی کی تجویز دے دی۔
چودھری شجاعت حسین نے چارٹر آف اکانومی کے لئے حکومتی جماعتوں کے ساتھ اپوزیشن کو بھی شامل کرنے کا مشورہ دیا۔
تفصیلات کے مطابق مسلم لیگ ق کے رہنما چودھری سالک حسین نے شجاعت حسین کا پیغام شہباز شریف کو پہنچا دیا۔
چودھری سالک حسین نے کہا کہ چودھری شجاعت حسین چاہتے ہیں کہ ملک و قوم کو معاشی بحرانوں سے نکالنے کیلئے چارٹر آف اکانومی بنایا جائے، اس سلسلے میں نہ صرف حکومتی جماعتوں بلکہ اپوزیشن جماعتوں کو بھی شامل کیا جائے۔
ان کا کہنا تھا کہ ہمیں سیاست کو پیچھے رکھ کر ملکی معیشت کو اولین ترجیح دینی چاہیے، ملک و قوم کو معاشی بحرانوں سے نکال کر پاکستان کو فلاحی مملکت بنانا ہر جماعت کا ہدف ہونا چاہیے۔
چودھری سالک حسین نے کہا کہ مسلم لیگ ق پاکستان کی ترقی و خوشحالی اور عوامی فلاح و بہبود میں اپنا بھرپور کردار ادا کرے گی۔
پاکستان مسلم لیگ ن کے صدر اور وزیراعظم پاکستان کے لیے نامزد امیدوار میاں شہباز شریف صاحب سے ملاقات ہوئی۔ ملاقات میں اعظم نذیر تارڑ صاحب، ایاز صادق صاحب، عطا اللّٰہ تارڑ صاحب اور محترمہ شیزا خواجہ صاحبہ بھی موجود تھیں۔ گزشتہ الیکشن میں کامیابی پر انہیں مبارکباد پیش کی۔ وفاقی اور… pic.twitter.com/EoTV6TgOOd
— Salik Hussain (@ChSalikHussain) February 23, 2024
