اسٹاک مارکیٹ میں سرمایہ کاری کے لئے ہر قسم کے درمیانی اور طویل مدتی فنڈز کی حمایت کی جاتی ہے،چائنا سیکورٹیز ریگولیٹری کمیشن
اسٹاک مارکیٹ میں سرمایہ کاری کے لئے ہر قسم کے درمیانی اور طویل مدتی فنڈز کی حمایت کی جاتی ہے،چائنا سیکورٹیز ریگولیٹری کمیشن
بیجنگ: سینٹرل ہوئجن کمپنی کی جانب سے گزشتہ عرصے میں ای ٹی ایفز کے حصص میں اضافے کے معاملے کے جواب میں چائنا سیکیورٹیز ریگولیٹری کمیشن کے چیئرمین وو چنگ نے چوبیس تاریخ کو ایک پریس کانفرنس میں کہا کہ یہ قومی سرمایہ کاری اداروں کی جانب سے اے شیئر مارکیٹ کی سرمایہ کاری کی قدر کو تسلیم کرنے کی مکمل عکاسی کرتا ہے اور یہ کہا جانا چاہیے کہ اس نے مارکیٹ کو مستحکم کرنے اور اعتماد بڑھانے میں بہت اہم کردار ادا کیا ہے۔
وو چنگ نے کہا کہ بہت سے ملکی اور غیر ملکی سرمایہ کاری کے ادارے اور تحقیقی ادارے بھی اس بات پر یقین رکھتے ہیں کہ اے شیئر مارکیٹ کی ویلیو ایشن تاریخی کم ترین سطح پر ہے اور سرمایہ کاری کی قیمت نمایاں ہے۔ ووچنگ نے کہا کہ چائنا سکیورٹیز ریگولیٹری کمیشن (سی ایس آر سی) متعلقہ فریقوں کے ساتھ مل کر کام کرے گا تاکہ سینٹرل ہوئیجن کی اے شیئر ہولڈنگ میں اضافہ ہو سکے ، اس کی سرمایہ کاری کا دائرہ وسیع کیا جا سکے اور اسٹاک مارکیٹ میں سرمایہ کاری کے لیے سینٹرل ہوئیجن کمپنی سمیت تمام قسم کے درمیانی اور طویل مدتی فنڈز کو فروغ دیا جا سکے۔
