بیجنگ: 24 ستمبر کو ، اکیسویں چین -آسیان ایکسپو اور چین – آسیان بزنس اینڈ انویسٹمنٹ سمٹ چین کے جنوبی شہر ناننگ میں شروع ہوئی۔ "چین-آسیان فری ٹریڈ ایریا ورژن 3.0 کی تعمیر کو فروغ دینا اور علاقائی اعلی معیار کی ترقی” کے موضوع کے ساتھ، اس سال کی ایکسپو اور سمٹ چین اور آسیان ممالک کے مابین تعاون کی تازہ ترین کامیابیوں پر توجہ مرکوز کرے گی.
ایکسپو اور سمٹ میں چینی اور غیر ملکی رہنما، سرکاری عہدیدار اور چین میں آسیان ممالک کے سفیر وں سمیت 1100 سے زائد مندوبین شریک ہیں ۔ افتتاحی تقریب اور دیگر اعلیٰ سطحی مذاکراتی سرگرمیوں کے ذریعے چین اور آسیان ممالک کے رہنما آسیان چین جامع اسٹریٹجک شراکت داری کو گہرا کرنے، چین-آسیان فری ٹریڈ ایریا ورژن 3.0 کو شروع کرنے اور اعلیٰ معیار کے بیلٹ اینڈ روڈ تعاون کو فروغ دینے میں وسیع تر اسٹریٹجک تعاون پر اتفاق رائے پیدا کریں گے تاکہ سیاسی باہمی اعتماد اور چین آسیان ہم نصیب معاشرے کی تعمیر کو فروغ دیا جاسکے۔
