اسلام آباد چیمبر آف کامرس اینڈ انڈسٹریز کے نو منتخب صدر ناصر قریشی نے اپنی ٹیم کیساتھ چیمبر میں اپنے دفاترکا چارج سنبھال لیا

اسلام آباد ( سٹاف رپورٹر ) آئی سی سی آئی کے سابق صدر اور فاوئنڈر گروپ کے روح رواں، ملک کی ممتاز کاروباری شخصیت میاں اکرم فرید نے نومنتخب صدر ناصر قریشی اور انکی ٹیم کو مبارک باد پیش کی اور نیک خواہشات کا اظہار کرتے ہوئے امید ظاہر کی کہ نو منتخب ٹیم اپنے صدرناصر قریشی کی ولولہ انگیز و پرجوش قیادت میں فاوئنڈر گروپ کی شاندار روایات کو آگے بڑھاتے ہوئے شہر کی تاجر برادری کو درپیش مسائل حل کرنے کے لئے جانفشانی سے اپنی تمام صلاحتیں بروئےکار لائے گی۔ انھوں نےسابق صدر احسن بختاوری اور انکی ٹیم کو انکی خدمات پر خراج تحسین پیش کیا۔ میاں اکرم فرید نے خصوصی طور پر آئی سی سی آئی کے سابق صدر اور چئیرمین فاوئنڈر گروپ خالد اقبال ملک ، آئی سی سی آئی کے سابق صدور خالد جاوید، طارق مسعود، میاں شوکت مسعود، اعجاز عباسی،زبیر ملک، ظفر بختاوری، عبدالروف عالم، احمد حسن مغل، عامر وحید ، کونسل ممبر ان چوہدری وحید الدین، محمد مسعود چوہدری، طارق صادق ، و دیگرکونسل ممبران کو بھی مبارک باد پیش کی۔
قبل ازیں اسلام آباد چیمبر آف کامرس اینڈ انڈسٹریز (آئی سی سی آئی) کے نومنتخب صدر ناصر قریشی اور انکی ٹیم نے اپنے عہدوں کا حلف اٹھانے کے بعد چیمبر میں اپنے دفاتر کا چارج سنبھال لیا۔چیمبر میں منعقدہ ایک پروقار تقریب میں اپنی مدت پوری کرنے والے صدر جناب احسن بختاوری نے نومنتخب صدر کو چیمبر میں خوش آمدید کہا اور صدارتی دفتر اور سیکریٹیریٹ کا چارج باضابطہ طور پرناصر قریشی اور انکی ٹیم کے حوالے کیا۔ اس موقع پر ناصر قریشی نے انکا شکریہ ادا کرتے ہوئے انکی چیمبر کی خدمات پرخراج تحسین پیش کیا۔ بعدازاں نومنتخب صدر نے اپنی ٹیم کے ہمراہ احسن بختاوری اور انکی ٹیم کو پرتپاک انداز میں رخصت کیا۔