اسلام آباد:: وفاقی وزیر برائے اوورسیز پاکستانی اور ہیومن ریسورس ڈویلپمنٹ چوہدری سالک حسین نے پاکستان مسلم لیگ کے مرکزی رہنما اور ایڈیشنل سیکرٹری اطلاعات عظام چوہدری کو اپنا کوآرڈینیٹر مقرر کر دیا ہے۔ اس تقرری کا نوٹیفکیشن پارٹی کے مرکزی صدر اور سابق وزیر اعظم، چوہدری شجاعت حسین نے جاری کیا۔عظام چوہدری جو اپنی عوامی خدمت اور وسیع سیاسی تجربے کے لیے جانے جاتے ہیں، اب وفاقی وزیر کے ساتھ مل کر اوورسیز پاکستانیوں اور ہیومن ریسورس ڈویلپمنٹ کے اہم اقدامات کو فروغ دینے میں تعاون کریں گے۔ یہ تقرری پارٹی میں مضبوط رابطوں کو یقینی بنانے اور بیرون ملک مقیم پاکستانیوں کے لیے خدمات میں بہتری کے مقصد کو اجاگر کرتی ہے۔چوہدری سالک حسین نے عظام چوہدری کی صلاحیتوں پر اعتماد کا اظہار کرتے ہوئے کہا کہ یہ تقرری وزارت کے اہداف کو مضبوط کرے گی اور بیرون ملک پاکستانیوں کی ضروریات کو بہتر طریقے سے حل کرنے میں مددگار ثابت ہو گی۔
