عالمی ادارہ صحت کے ڈائریکٹر جنرل کی فلسطینی ہلال احمر سوسائٹی کے ہیڈ کوارٹر کی عمارت پر اسرائیلی حملے کی مذمت

نیویارک(نیوزڈیسک)ڈبلیو ایچ او کے ڈائریکٹر جنرل ٹیڈروس گیبریسس نے سوشل میڈیا پر اپنی ایک پوسٹ میں خان یونس میں فلسطین ریڈ کریسنٹ سوسائٹی کے ہیڈکوارٹر کی عمارت پر ہونے والے حملے پر مذمت کا اظہار کیا۔ اقوام متحدہ کے دفتر برائے رابطہ انسانی امور کی سربراہ جیما کارنیل نے کہا کہ غزہ کی پٹی میں کوئی بھی جگہ محفوظ نہیں ہے۔ حملے کا شکار عمارت کی چھت پر ہلال احمر کا نشان واضح تھا، اور دنیا کے کسی بھی بچے اور ایسے افراد کو جنھوں نے ایک انسانی تنظیم کے نشان کے تحت پناہ لی تھی انھیں قتل کرنا قابل مذمت ہے۔ 2 جنوری کی شام لبنانی جزب اللہ پارٹی نے ایک بیان جاری کیا جس میں کہا گیا کہ حماس کے سیاسی بیورو کےنائب چیئرمین صالح عروری اس رات لبنان کے دارالحکومت بیروت کے جنوبی مضافات میں ہونے والے حملے میں شہید ہوئے اور یہ لبنان کی خودمختاری اور عوام کی سلامتی پر حملہ تھا۔ بیان میں کہا گیا ہے کہ حملے کا جواب دیا جائے گا اور جزب اللہ کی افواج پوری طرح تیار ہیں۔ حماس کے سیاسی بیورو کے رہنما ہانیہ نے ٹیلی ویژن پر نشر ہونے والی ایک تقریر میں کہا کہ "عروری پر حملے سے حماس کے آپریشن اور اپ گریڈ پر کوئی اثر نہیں پڑے گا”۔
لبنان کی قومی خبر رساں ایجنسی کے مطابق 2 جنوری کی شام لبنانی وزیر اعظم میکاتی نے لبنان کے دارالحکومت بیروت کے جنوبی مضافات پر اسرائیلی فضائی حملے کی مذمت کرتے ہوئے کہا کہ اسرائیل کا مقصد لبنان کو تنازع کے ایک نئے مرحلے میں شامل کرنا ہے۔انہوں نے اسرائیل کو متنبہ کیا کہ وہ جنوبی لبنان میں لڑائی کو توسیع نہ دے۔لبنانی وزارت خارجہ کی جانب سے جاری بیان کے مطابق لبنانی وزیر اعظم میکاتی کی ہدایت پر اقوام متحدہ کی سلامتی کونسل میں 2 تاریخ کی شام لبنان کے دارالحکومت بیروت کے جنوبی مضافات میں اسرائیلی ڈرون حملے کے حوالے سے باضابطہ شکایت جمع کرائی گئی ہے۔