نوازشریف اور چودھری شجاعت کی ملاقات میں دلچسپ مکالمے بھی ہوئے
لاہور(نیوزڈیسک)مسلم لیگ (ن )کے قائد نواز شریف اور مسلم لیگ (ق )کے سربراہ چوہدری شجاعت کی ملاقات کے دوران دلچسپ مکالمے بھی ہوئے تھے۔
تفصیلات کے مطابق چودھری شجاعت کا کہنا تھا کہ شہباز صاحب میں نے آپ جیسا کوٹ پہن لیا ہے،اس پر شہباز شریف مسکرائے اور کہا بالکل بالکل۔
اس موقع پر مریم نواز نے کہا کہ انکل یہ کوٹ آپ پر زیادہ اچھا لگ رہا ہے۔
چودھری شجاعت کا کہنا تھا کہ میری صحت اب پہلے سے بہتر ہے اور شوگر بھی کنٹرول ہو گئی ہے۔
نواز شریف کا کہنا تھا کہ آپ ایک زیرک سیاستدان ہیں، اللّٰہ صحت دے۔
نواز شریف اور چودھری شجاعت کے درمیان اکٹھے مل کر چلنے پر بھی اتفاق ہوا۔
نواز شریف کا کہنا تھا کہ چودھری شجاعت کی خیریت دریافت کرنے آیا تھا، مل کر خوشی ہوئی۔
شہباز شریف کا کہنا تھا کہ سالک حسین نے عمدہ طریقے سے اپنی وزارت چلائی۔
