ابوظہبی ٹی 10 کے 17ویں میچ میں دکن گلیڈی ایٹرز نے چنئی بریوز کو 10 وکٹوں سے شکست دیدی ۔ چنئی بریوز نے خراب بیٹنگ کا مظاہرہ کرتے ہوئے دس اوورز میں 8 وکٹوں کے نقصان پر صرف 83 رنز بنائے۔ آندرے رسل (12 رنز دیکر 2 وکٹ) اور نووان تھشارا (26 رنز دیکر 2 وکٹ) کی بولنگ کے سامنے ان کی بیٹنگ بری طرح متاثر ہوئی۔ صرف اسٹیفن ایسکینازی نے دکن کے جارحانہ بولنگ اٹیک کے خلاف کچھ مزاحمت کی انہوں نے 25 رنز بنائے۔معتدل ہدف کے تعاقب میں ٹام کوہلر کیڈمور اور کپتان نکولس پورن نے چنئی اٹیک کو 6.1 اوورز میں شکست دیدی ۔ کوہلر کیڈمور 19 گیندوں پر 3 چوکے لگا کر 44 رنز بنا کر ناٹ آؤٹ رہے جبکہ پورن 19 گیندوں پر 3 چوکے اور تین چھکوں کی مدد سے 35 رنز بنا کر ناقابل شکست رہے۔دکن گلیڈی ایٹرز یہ میچ جیت کر ٹیبل پر دوسرے نمبر پر آگئی۔ اندرے رسل بہترین کھلاڑی قرار پائے۔
