اسلام آباد(نیوزڈیسک)نگران وزیر شاہد اشرف تارڑ سے فرانسیسی سفیر نکولس گیلی نے ملاقات کی ،ملاقات میں باہمی دلچسپی کے امور پر تبادلہ خیال کیا گیا۔
نگران وفاقی وزیر شاہدا شرف تارڑ نے کہا کہ پاکستان میں فرانسیسی سرمایہ کاروں کے لیے مختلف مواقع موجود ہیں۔
فرانسیسی سفیر نکولس گیلی نے بتایا کہ فرانسیسی سرمایہ کاروں نے پاکستانی منصوبوں میں دلچسپی ظاہر کی ہے۔
تفصیلات کے مطا بق نگران وزیر برائے مواصلات، ریلویز اور سمندری امورشاہد اشرف تارڑ سے پاکستان میں تعینات فرانس کے سفیر نکولیس گیلے نے ملاقات کی۔ ملاقات میں دو طرفہ دلچسپی کے امور بارے گفتگو ہوئی۔
نگران وزیر نے پاکستان میں سرمایہ کاری کے مواقع کو اجاگر کرتے ہوئے کہا کہ یہاں فرانسیسی سرمایہ کاروں کے لئے سنہری مواقع موجود ہیں ۔
نگران وزیر شاہد اشرف تارڑ کی فرانسیسی سفیر نکولس گیلی سے ملاقات
باہمی دلچسپی کے امور پر تبادلہ خیال۔
فرانسیسی سرمایہ کاروں نے پاکستانی منصوبوں میں دلچسپی ظاہر کی ہے۔ سفیر
پاکستان میں فرانسیسی سرمایہ کاروں کے لیے مختلف مواقع موجود ہیں۔ وفاقی وزیر @mazharkcl pic.twitter.com/Zm01xTJHoR
— Ministry of Railways, Government of Pakistan (@RailwaysGovPk) October 23, 2023
انہوں نے مزید کہا کہ سکھر-حیدرآباد موٹروے(M-6 )فرانسیسی سرمایہ کاری کے لئے بہترین موقع ہے۔ اسی طرح پاکستان ریلوے افغانستان کے ساتھ رابطے کے لیے کوہاٹ سے خرلاچی تک روٹ بنانے کے لیے کوشاں ہے جس سے فرانس بھی فائدہ اٹھا سکتا ہے۔
فرانسیسی سفیر نے کہا کہ فرانس اور پاکستان کے تعلقات اور باہمی تعاون کی طویل تاریخ ہے۔ فرانسیسی سرمایہ کار پاکستانی منصوبوں میں دلچسپی ظاہر کر رہے ہیں۔ فرانسیسی ریل ٹرانسپورٹ کمپنی السٹوم پاکستان میں کام کر رہی ہے اور یہ مزید سرمایہ کاری کی طرف ایک قدم ہے۔
ہم اپنے سرمایہ کاروں کو پاکستان میں بڑی سرمایہ کاری لا نے کی ترغیب دیں گے۔ نگران وزیر نے مزید کہا کہ پاکستان نیشنل شپنگ کارپوریشن بھی اپنے دائرہ کار کو وسعت دے رہی ہے اور وہاں بھی سرمایہ کاری کے مواقع موجود ہیں۔ پاکستان میں جمہوریت مستحکم ہو رہی ہے اور ملک کا مستقبل روشن ہے۔
