بیجنگ (نیوزڈیسک)نگران وزیرِاعظم انوار الحق کاکڑ نے کہا ہے کہ پاکستان کے لیے چین سے تعلقات سے زیادہ کوئی رشتہ اہم نہیں ہے۔ پاکستان کسی کو بھی چین سےگہرے تعلقات متاثر نہیں کرنے دےگا۔ سی پیک کی بدولت گزشتہ 10 سال میں پاکستان کا منظرنامہ تبدیل ہوا ہے۔
Attended an insightful roundtable in Beijing on #CPEC's decade-long journey. Proud of the progress we've made, elevating Pakistan's socio-economic landscape and strengthening our bond with China. As we reflect on successes, we're geared up for its next phase, focusing on growth,… pic.twitter.com/f7dMsI18PU
— Anwaar ul Haq Kakar (@anwaar_kakar) October 17, 2023
تفصیلات کے مطابق نگران وزیرِ اعظم انوار الحق کاکڑ نے بیجنگ میں سی پیک راؤنڈ ٹیبل اجلاس میں تھنک ٹینکس کے محققین اور اسکالرز سے گفتگو کرتے ہوئے کہا کہ پاک چین لازوال دوستی ہر موقع پر ثابت قدم رہی ہے۔ انقلابی منصوبہ سی پیک، پائیدار ترقی کے قومی ایجنڈے کو آگے بڑھا رہا ہے۔
انوارالحق کاکڑ کا کہنا تھا کہ سی پیک نے پاکستان کے بنیادی ڈھانچے کو جدید بنایا۔ ان منصوبوں سے ہماری نوجوان آبادی کو ترقی کے مواقع ملیں گے۔ روزگار کے مواقع، غربت میں کمی اور دیہی ترقی میں سی پیک نے مرکزی کردار ادا کیا ہے۔ سی پیک نے پسماندہ کمزور طبقے کی سماجی اور اقتصادی ترقی کی راہ ہموار کی۔
