سوشل میڈیا پر ایک ویڈیو وائرل ہوئی ہے، جس میں ایک بھوکا ریچھ اچانک ایک فیملی کی پکنک پارٹی میں آ دھمکا اور دعوت اڑانے لگا۔
میڈیا رپورٹس کے مطابق ریچھ ایک جنگلی خوں خوار جانور ہے اور یہ انسان کو چیر پھاڑ کر رکھ دیتا ہے، لیکن آپ فیملی کے ساتھ کہیں پکنک منا رہے ہوں اور ایسے میں ایک کالا ریچھ کہیں سے آ دھمکے اور میز پر چڑھ کر آپ کا کھنا چٹ کرنے لگے، تو آپ کی کیا حالت ہوگی؟
ایسی ہی حالت اس فیملی کی ہوئی جب ایک ریچھ میز پر چڑھ کر ان کا کھانا کھانے لگا، ویڈیو میں دیکھا جا سکتا ہے بھوکے ریچھ کی انٹری پر ماں نے بیٹے کو لپٹا کر دم سادھ لیا ہے۔
یہ واقعہ میکسیکو میں پیش آیا، جس میں بھوک سے نڈھال ریچھ پکنک منانے والی فیملی کا کھانا کھانے پہنچ گیا تھا، فیملی دَم سادھے بیٹھی رہی اور ریچھ پارٹی اڑاتا رہا، جب ریچھ کا پیٹ بھر گیا تو خاموشی سے جنگل کی طرف چلا گیا۔
This bear in Mexico going to town on tacos and enchiladas while people just remain calm is something to behold. pic.twitter.com/5T4XzYvp8p
— Defender of Gluten (@MexAnarcho) September 26, 2023
