وفاقی دارالحکومت اسلام آباد میں محکمہ انسداد دہشت گردی (سی ٹی ڈی) نے کارراوائی کرتے ہوئے 2 دہشتگردوں کو گرفتارکر لیا۔ انکشاف ہوا ہے کہ ملزمان کا تعلق بھارتی خفیہ ایجنسی را سے ہے۔
اسلام آباد میں سی ٹی ڈی نے خفیہ اطلاع پر 2 دہشت گردوں کو گرفتار کیا، ملزمان میں معیز احمد اور مہران یونس شامل ہیں۔
گرفتار ملزمان سے ایک کلو سے زائد بارودی مواد، ڈیٹونیٹر، پرائما وائر، ڈیٹونیٹر اور پستول برآمد ہوا۔
ملزمان کی جانب سے سیاسی اور مذہبی شخصیات کی ریکی کرنے کا انکشاف بھی ہوا ہے۔
گرفتاری کے بعد ملزمان کو تھانہ سی ٹی ڈی منتقل کرکے انسداد دہشت گردی ایکٹ کےتحت مقدمہ درج کیا گیا۔
کھنہ پل پہاڑی اور راولپنڈی کے قریب سے دو دہشت گرفتار۔
دہشت گردوں سے بارودی مواد، اسلحہ، اور موٹرسائیکل برآمد۔دہشت گردوں کی شناخت کی جا رہی ہے ۔
پولیس ٹیم نے مخبر خاص کی اطلاع پر کارروائی کی۔
گرفتار دہشت گردوں کو تفتیش کے لئے تھانہ منتقل کردیا گیا ہے۔#ICTP #Islamabad
— Islamabad Police (@ICT_Police) September 23, 2023
