اسلام آباد(نیوزڈیسک)صدر مملکت ڈاکٹر عارف علوی کو چین، وینزویلا اور کولمبیا کے سفرا نے اسناد سفارتکاری پیش کردیں۔ صدر نے چین سے تجارت، دفاع سمیت مختلف شعبوں میں تعاون مزید مضبوط بنانے پر زور دیا ہے۔
کولمبیا کے نامزدسفیر جولیو اینیبل ریانو ویلانڈیا نےصدر مملکت ڈاکٹر عارف علوی کو اسناد سفارتکاری پیش کیں۔ pic.twitter.com/a1TXOEl3DO
— The President of Pakistan (@PresOfPakistan) September 13, 2023
صدرمملکت عارف علوی نے پاکستان میں چین کے نامزد سفیر چیانگ زئے دُنگ کا خیرمقدم کرتے ہوئے کہا کہ چین قابل اعتماد اور آزمودہ دوست ہے۔
انھوں نے کہا کہ پاکستان چین کے ساتھ اسٹریٹیجک تعلقات کو مزید مستحکم کرنا چاہتا ہے۔
The Ambassador-designate of the Republic of Colombia, Mr. Julio Anibal Riano Velandia, presented his diplomatic credentials to President Dr. Arif Alvi, at Aiwan-e-Sadr. pic.twitter.com/9AsXf6WDvJ
— The President of Pakistan (@PresOfPakistan) September 13, 2023
ان کا کہنا تھا کہ پاکستان سی پیک کے تحت تمام منصوبوں کی بروقت تکمیل کیلئے پرعزم ہے۔
صدر مملکت سے وینز ویلا کے نامزد سفیر ہوزے رافیل سلوا اپونٹے نے بھی ملاقات کی۔
اس موقع پر ڈاکٹر عارف علوی کا کہنا تھا کہ پاکستان وینز ویلا کے ساتھ تجارتی اور اقتصادی تعلقات بہتر بنانے کا خواہاں ہے۔
عارف علوی سے کولمبیا کے نامزد سفیر جولیو اینیبل ریانو ویلا نڈیا نے بھی ملاقات کی۔ صدر مملکت نے سفرا کو ان کی تقرری پر مبارکباد دی۔
