اسلام آباد: پاکستان مسلم لیگ اسلام آباد کے نائب صدر میاں قاسم علی نے مسلم لیگ فیڈرل کیپٹل کے انٹرا پارٹی الیکشن میں رضوان صادق خان کو صدر اور چودھری جہانگیر کو بلا مقابلہ جنرل سیکرٹری منتخب ہونے پر دل کی گہرائیوں سے مبارکباد دی۔
اپنے ایک بیان میں میاں قاسم علی نے کہا کہ دونوں منتخب عہدیداران کی قیادت میں مسلم لیگ فیڈرل کیپٹل ایک نئے عزم اور جذبے کے ساتھ اپنے اہداف کی جانب بڑھے گی۔
انہوں نے یقین ظاہر کیا کہ رضوان صادق خان اور چودھری جہانگیر کی رہنمائی میں پارٹی کے تمام ارکان کے درمیان ہم آہنگی اور اتحاد کا ماحول قائم ہو گا، جو پارٹی کو مزید فعال، مضبوط اور منظم بنانے میں مددگار ثابت ہوگا۔
میاں قاسم علی نے کہا کہ ان دونوں عہدیداروں کی منتخب ہونے سے پارٹی کی ترقی کی راہیں مزید کھلیں گی اور عوامی خدمت کے لیے جدید حکمت عملی وضع کی جائے گی۔
انہوں نے کہا کہ یہ انتخاب مسلم لیگ کے کارکنان کے لیے ایک نیا جوش اور حوصلہ لے کر آیا ہے، اور وہ امید رکھتے ہیں کہ رضوان صادق خان اور چودھری جہانگیر اپنے کردار میں نیک نیتی اور محنت سے پارٹی کے مقاصد کو کامیابی کی بلندیوں تک پہنچائیں گے۔
