بیجنگ :چائنا میڈیا گروپ کے تحت (سی جی ٹی این) کی جانب سے دنیا بھر کے انٹرنیٹ صارفین کے لیے کئے گئے تازہ سروے کے مطابق جواب دہندگان نے امریکہ کی جانب سے ” ریسیپروکل ٹیرف ” کی شدید مذمت کرتے ہوئے کہا کہ اس اقدام سے ‘ ورلڈ ٹیرف وار’ شروع ہو سکتی ہے اور عالمی معیشت پر اس کا شدید اثر پڑے گا ۔
سروے میں 81.94 فیصد جواب دہندگان کا ماننا ہے کہ ” ریسیپروکل ٹیرف ” خود امریکہ کے مسائل کو حل نہیں کر پائے گا بلکہ یہ امریکی صارفین کے مفادات کو بھی نقصان پہنچائے گا اور امریکہ کی اقتصادی ترقی اس سے سست ہو گی. 84.43 فیصد جواب دہندگان کا خیال ہے کہ امریکہ کی طرف سے ” ریسیپروکل ٹیرف ” کے نفاذ سے اس کے تجارتی شراکت داروں اور روایتی اتحادیوں کے ساتھ غیر منصفانہ تجارت کے مسئلے میں اضافہ ہوگا اور امریکہ کی قومی ساکھ کو شدید نقصان پہنچے گا۔ 82.96 فیصد جواب دہندگان نے ٹیرف کے معاملے میں دوسرے ممالک پر امریکہ کے "اندھا دھند حملے” کی مذمت کرتے ہوئے کہا کہ یہ تمام ممالک، بلخصوص ترقی پذیر ممالک کی ان کے ترقیاتی حقوق سے محرومی ہے۔ 79.47 فیصد جواب دہندگان نے ڈبلیو ٹی او قوانین کی سنگین خلاف ورزیوں پر امریکہ کو تنقید کا نشانہ بنایا۔ 79.58 فیصد جواب دہندگان نے کہا کہ ” ریسیپروکل ٹیرف ” امریکہ کے لئے تجارتی تحفظ پسندی کو فروغ دینے کا ایک نیا ذریعہ بنا ہے جس سے بین الاقوامی تجارتی تناؤ اور عالمی اقتصادی تقسیم میں اضافہ ہوگا۔
یہ سروے سی جی ٹی این کے انگریزی، ہسپانوی، فرانسیسی، عربی اور روسی پلیٹ فارمز پر جاری کیا گیا جس میں مجموعی طور پر 9,600 غیر ملکی انٹرنیٹ صارفین نے حصہ لیا اور 24 گھنٹوں کے دوران اپنے خیالات کا اظہار کیا۔
