روسی وزارت دفاع نے جاری کردہ بیان میں کہا کہ گزشتہ روز روسی فوج نے یوکرین کے فوجی ہوائی اڈوں، گولہ بارود کے گوداموں، ڈرون تیاری کے یونٹس اور اسٹوریج مراکز سمیت 140 فوجی اہداف اور سازوسامان کے ٹھکانوں پر حملے کیے۔ بیان میں یہ بھی کہا گیا کہ روسی فوج نے یوکرین کی خصوصی افواج کے عارضی تعیناتی مراکز پر میزائل حملہ کیا جس میں تقریباً 170 یوکرینی اور غیر ملکی کرائے کے فوجیوں کو ہلاک کیا گیا۔ اس کے علاوہ، روسی فوج نے ڈونیسک میں زاپوریژیا کے ایک ذیلی علاقے پر بھی کنٹرول حاصل کر لیا۔
اسی دن، یوکرینی فوج کے جنرل اسٹاف نے جنگ کی تازہ ترین صورتحال جاری کرتے ہوئے کہا کہ گزشتہ دن متعدد محاذوں پر 223 جنگی تصادم ہوئے۔ یوکرینی فوج نے کئی مقامات پر روسی حملوں کو پسپا کیا اور کرسک علاقے میں اپنی فوجی کارروائیاں جاری رکھیں۔اس کے علاوہ یوکرین کی فضائیہ، میزائل یونٹس اور آرٹلری نے روسی افواج کے پانچ مراکز ،اسلحہ و فوجی سازوسامان کے علاقوں اور ایک کمانڈ سنٹر کو نشانہ بنایا۔
