چائنا میڈیا گروپ کے زیراہتمام ” ایشیائی سرمائی کھیلوں میں لالٹین فیسٹیول” کی بین الاقوامی ثقافتی تبادلہ سرگرمی کا انعقاد

چائنا میڈیا گروپ کے سی جی ٹی این اور ہیلونگ جیانگ اسٹیشن کے اشتراک سے "ایشیائی سرمائی کھیلوں میں لالٹین فیسٹیول” کی بین الاقوامی ثقافتی تبادلہ سرگرمی ، نویں ایشیائی سرمائی کھیلوں کے مرکزی میڈیا سینٹر میں منعقد ہوئی۔ ایشیائی ممالک اور خطوں سے تعلق رکھنے والے ایتھلیٹس، وفد کے ارکان اور میڈیانمائند گان لالٹین فیسٹیول منانے کے لیے آئس سٹی میں جمع ہوئے۔
اولمپک کونسل آف ایشیا (او سی اے) کے نائب صدر اور نیوز اینڈ پبلسٹی اینڈ براڈکاسٹنگ کمیٹی کے ڈائریکٹر سمیت مختلف ممالک اور خطوں کے وفود کے سربراہان، کھلاڑیوں کے نمائندوں اور میڈیا نمائندگان نے تقریب میں شرکت کی اور پرفارمنس دیکھی۔
اس موقع پر شرکاء نے لالٹین فیسٹیول سے جڑی مختلف سرگرمیوں میں حصہ لیا اور لالٹین فیسٹیول کی روایتی کشش کا تجربہ کیا.شرکاء نے چین کے مختلف روایتی فنون سے گہری تفہیم حاصل کرنے کے لئے غیر مادی ثقافتی ورثہ بوتھ میں نمایاں دلچسپی لی ۔
ہانگ کانگ خصوصی انتظامی علاقے کے وفد کے 20 سے زائد افراد نے تقریب میں شرکت کی اور پرفارمنس دیکھی۔ اس کے علاوہ متحدہ عرب امارات، قطر، کویت، کرغزستان، ترکمانستان، بھوٹان، سری لنکا اور منگولیا سمیت نو ممالک اور خطوں کے 40 سے زائد وفود نے تقریب میں شرکت کی۔
اس تقریب نے شرکاء کو ایک دوسرے کے ساتھ تبادلے اور بات چیت کرنے کے لئے ایک پلیٹ فارم فراہم کیا ، جس سے ایشیائی ممالک کے مابین ثقافتی تفہیم اور دوستی کو فروغ ملا ہے۔