اسرائیل نے غزہ جنگ بندی معاہدے کی خلاف ورزی کی تو ہم فوجی کارروائیاں دوبارہ شروع کریں گے، حوثی باغی

اسرائیلی عوام کی ایک بڑی تعداد نے یروشلم میں اسرائیلی وزیر اعظم بینجمن نیتن یاہو کے دفتر کے باہر احتجاج کیا اور مطالبہ کیا کہ اسرائیلی حکومت جنگ بندی معاہدے کی پاسداری کرے اور قیدیوں کے تبادلے کرے۔ مظاہرین کا ماننا ہے کہ حماس قیدیوں کی رہائی کے لیے تیار ہے لیکن اسرائیل جنگ بندی اور قیدیوں کی رہائی کے حوالے سےغیر یقینی صورتحال میں اضافہ کر رہا ہے جس کی وجہ سے 15 تاریخ کو طے شدہ قیدیوں کی رہائی کے انتظامات ملتوی کر دیے گئے ہیں۔ نیتن یاہو کی جانب سے غزہ کی تعمیر نو کے امریکی منصوبے کی حمایت کے جواب میں کچھ مظاہرین کا کہنا تھا کہ نیتن یاہو کے بیانات غزہ کی پٹی میں جنگ بندی معاہدے کو کمزور کر رہے ہیں۔

اسی روز یمن کے حوثی رہنما عبدالمالک حوثی نے ٹیلی ویژن پر خطاب کرتے ہوئے کہا کہ اگر اسرائیل نے غزہ کی پٹی میں جنگ بندی معاہدے کی خلاف ورزی کی تو حوثی اسرائیل کے خلاف فوجی کارروائیاں دوبارہ شروع کر دیں گے۔ اس کے ساتھ ہی انہوں نے اس بات پر زور دیا کہ عرب ممالک کو مشترکہ طور پر غزہ کی پٹی پر قبضہ کرنے کی امریکی تجویز کی مخالفت کرنی چاہیے اور فلسطینیوں کی جلاوطنی کے کسی بھی منصوبے کی مذمت کرنی چاہیے۔