دبئی : ڈیزرٹ وائپرز کے ہیڈ کوچ جام فوسٹر کو اس بات کا قوی یقین ہے کہ انتہائی باصلاحیت اور میچ وننگ پاکستانی بلے باز اعظم خان ٹیم کے لئے آمدہ میچوں میں اپنی صلاحیتوں کے مطابق کارکردگی کا مظاہرہ کریں گے۔
وائپرز وائسز پوڈ کاسٹ سے بات کرتے ہوئے جیمز فوسٹر نے انہیں میچ ونر قرار دیا اور کہا کہ وہ چاہتے ہیں کہ اعظم خود پر بھروسہ کرتے رہیں کبھی کبھی ایسا سیزن بھی آتا ہے جس میں ضروری نہیں ہوتا کہ ہر ایک کھلاڑی آگے بڑھے تاہم مجھے اعظم پر اعتماد ہے۔ وہ ایک مکمل اسٹار ہے اور وہ ایک ایسا کھلاڑی ہے جس کی میں بہت تعریف کرتا ہوں۔
انہوں نے کہا کہ وہ ایک میچ ونر ہے اور میں جانتا ہوں کہ وہ ایک ایسا کھلاڑی ہے جس سے مخالف بالر اور ٹیمیں ڈرتی ہیں لہذا یہ صرف اپنے آپ کو یاد دلانے کے لئے وہ کتنا اچھا کھلاڑی ہے۔ انہوں نے کہا کہ انہیں صرف اپنی ذہنیت، اپنے گیم پلان پر بھروسہ کرنے اسے یاد رکھنے اور اس اعتماد کو برقرار رکھنے کی ضرورت ہے، یہی وہ کام ہے جو یہ صف اول کے کھلاڑی کرتے ہیں۔ جس کے بعد انہیں آگے بڑھنے کے لئے صرف تھوڑی سی قسمت درکار ہوتی ہے۔ انہوں نے کہا کہ ہمارے ٹاپ چار یا پانچ بلے بازوں نے بہت اچھی کارکردگی دکھائی ہے اس لیے انہیں (بیٹنگ کرنے کا)زیادہ موقع نہیں ملا۔ ہم امید کرتے ہیں کہ اعظم اپنا کام جاری رکھیں گے۔
