اداکارہ نیلم منیر کے شوہر کا نام، پیشے اور تنخواہ کی تفصیلات سامنے آگئیں

لاہور:گزشتہ روزمعروف پاکستانی اداکارہ نیلم منیر نے دبئی میں رشتہ ازدواج میں بندھنے کی تصاویر کیں جو سوشل میڈیا پر وائرل ہیں۔
وائرل تصاویر میں نیلم منیر کو سفید رنگ کا عروسی جوڑا زیب تن کیے جبکہ ان کے شوہر کو سفید رنگ کے روایتی عربی جبے یا ثوب میں ملبوس دیکھا گیا، تاہم نیلم منیر کی جانب سے شوہر کا نام یا ان کی کوئی تفصیل شیئر نہیں کی گئی۔
اب یوٹیوبر یاسر شامی نے اپنے سوشل میڈیا اکاؤنٹ پر ایک ویڈیو شیئر کرتے ہوئے نیلم منیر کے شوہر کے حوالے سے کئی تفصیلات شیئر کی ہیں۔

یوٹیوبر کے مطابق نیلم منیر کے شوہر کا نام محمد راشد ہے جو دبئی پولیس کے سی آئی ڈی ڈپارٹمنٹ میں کام کرتے ہیں، ان کی نیلم سے پسند کی شادی ہے، شادی کی تقریب پچھلے ماہ منعقد ہوئی جس کا شوٹ اب ریلیز کیا گیا ہے۔
یوٹیوبر نے اداکارہ کے شوہر کی ملازمت کے حوالے سے دعویٰ کرتے ہوئے بتایا کہ نیلم منیر کے شوہر دبئی پولیس میں شرطے ہیں اور اگر دبئی پولیس کے موجود اہلکاروں کا تجربہ 2 سے 3 سال کا ہو تو ان کی تنخوا ہ 13ہزار درہم ہوتی ہے، جو ( پاکستانی 10 لاکھ روپے) بنتی ہے، اگر ان اہلکاروں کا تجربہ5 سے 8 سال کاہو تو معاوضہ 13ہزار درہم سے 18ہزار درہم (یعنی 13 سے 14 لاکھ روپے ) بنتا ہے لیکن اگر دبئی پولیس اہلکاروں کا تجربہ 8 سے 10سال کا ہو ان کی تنخوا ہ 22ہزار درہم یعنی 16 سے 17 لاکھ پاکستانی روپے تک بنتی ہے۔
یوٹیوبر کا کہنا ہے کہ دبئی کے پولیس اہلکار سے شادی کے بعد نیلم منیر کو اب دبئی کے شاپنگ مالز میں اچھا خاصا ڈسکاؤنٹ بھی ملے گا، عام طور پر دبئی اپنے ملک میں شادی کرنے والی لڑکیوں کو شہریت نہیں دیتا، اس کے بجائے انکو گولڈن ویزہ دیا جاتا ہے جو کہ دبئی میں مستقل سکونت اختیار کرنے پر مستقبل میں شہریت میں بھی بدل سکتا ہے لیکن اگر ان دونوں کے بچے ہوں گے تو انہیں دبئی کی شہریت ہی ملے گی۔

نیلم منیر کے نکاح کے لباس کی قیمت آپ کو حیران کر دے گی

نیلم منیر پاکستان کی ایک خوبرواور باصلاحیت اسٹار ہیں۔ انہوں نے اپنے کیریئر کا آغاز بطور چائلڈ اسٹار کیا اوراب وہ ڈرامہ اور فلم انڈسٹری کی معروف اسٹار بن چکی ہیں۔
سٹارلیٹ اپنی زندگی کے ایک نئے مرحلے میں داخل ہو گئی ہیں جب ان کی شادی دبئی میں مقیم ایک بزنس مین سےہوئی۔ اداکارہ نے اپنی خوبصورت روایتی مایوں اور نکاح کی تصاویر اپنے مداحوں کے ساتھ شیئر کیں۔
اگر بات کی جائے نیلم منیر کے برائیڈل ڈریس کی تو نیلم منیر نے اپنے نکاح میں سفید رنگ کا خوبصورت لباس پہنا ہواتھا جس میں وہ کسی پرستان کی پری لگ رہی تھیں۔
لباس کے معاملے میں نیلم نے ایک نیا ریکارڈ بھی قائم کیا ہے۔ ایسے وقت میں جب تمام مشہور شخصیات اپنی شادیوں پر 15-60 لاکھ کے لباس پہنتی ہیں، نیلم نے ایک ایسا لباس منتخب کیا جو ہر ایک کی رینج میں آسکتا ہے۔نیلم منیرکا نکاح کا جوڑا Baroque کا شاہکار ہے جس کی قیمت صرف تقریباً پاکستانی 30ہزار بنتی ہے ۔نیلم منیر یقیناً نسبتا سستے لباس میں بھی ہیرے کی طرح چمک رہی تھیں۔