بائیڈن نے مالی سال 2025 کے لیے تقریباً نو سو بلین امریکی ڈالر کے فوجی اخراجات پر مبنی نیشنل ڈیفنس اتھارائزیشن ایکٹ پر دستخط کر دیے

امریکی صدر جو بائیڈن نے مالی سال 2025 کے لئے نیشنل ڈیفنس اتھارائزیشن ایکٹ پر دستخط کر دیے، جس سے امریکی فوجی اخراجات تقریباً 895 بلین امریکی ڈالر تک پہنچ گئے، جو گزشتہ مالی سال کے مقابلے میں ایک فیصد زیادہ ہے. مالی سال 2025 کے لیے نیشنل ڈیفنس اتھارائزیشن ایکٹ کے تحت فعال فوجی اہلکاروں کی تنخواہوں میں اضافہ ہوگا، ایشیا بحرالکاہل کے خطے میں فوجی اخراجات میں اضافہ ہوگا اور امریکی اور اسرائیلی افواج کے درمیان مشترکہ فوجی مشقوں میں توسیع کی اجازت دی جائے گی۔
ایکٹ پر اظہار خیال کرتے ہوئے امریکی سینیٹر برنی سینڈرز نے کہا کہ امریکہ کو دفاعی اخراجات میں تقریباً ایک ٹریلین ڈالر کی ضرورت نہیں ہے جب امریکہ میں بے گھر افراد، بھوکے بچوں اور بوڑھوں کی تعداد جوہیٹنگ بلوں کے اخراحات کے متحمل نہیں ہوسکتے ، تقریباً 5 لاکھ تک پہنچ چکی ہے۔ سینڈرز نے مزید کہا کہ امریکی دفاعی نظام مٹھی بھر بڑے دفاعی ٹھیکیداروں کے لیے قومی ضروریات کو پورا کرنے کے بجائے منافع کمانے کا آلہ بن چکا ہے۔