روسی صدر اور سلوواکی وزیر اعظم کی 8 سال بعد ملاقات
روسی صدر ولادیمیر پوٹن نے سلوواکیہ کے وزیر اعظم رابرٹ فیزو سے ملاقات کی۔ یہ آٹھ سال سے زائد عرصے میں فریقین کے مابین پہلی ون آن ون ملاقات ہے۔ سلوواکیہ کے وزیر اعظم رابرٹ فیزو کے دورہ روس کے دوران توانائی کے مسائل اہم موضوعات میں سے ایک ہیں، جن کا تعلق یوکرین کی جانب سے روس-یوکرین قدرتی گیس ٹرانزٹ معاہدے کی تجدید نہ کرنے سے ہے۔
پچھلے دو سالوں میں ، روس نے شمالی سائبیریا میں پیدا ہونے والی قدرتی گیس کو یورپی ممالک میں سرحد پار گیس پائپ لائن کے ذریعے منتقل کرنا جاری رکھا ہے جو 2019 میں یوکرین کے ساتھ طے پانے والے معاہدے کے مطابق یوکرین سے گزرتی ہے ۔ یہ معاہدہ 2024 کے آخر میں ختم ہو جائے گا ۔ یوکرین کی طرف سے پہلے ہی کہا جا چکا ہے کہ وہ معاہدے کی تجدید کا ارادہ نہیں رکھتا ۔ یوکرین کے وزیر اعظم نے اعلان کیا ہے کہ یوکرین یکم جنوری 2025 کو صبح 7 بجے گیس پائپ لائن بند کر دے گا۔
16 نومبر کو ، آسٹریا کے انرجی ریگولیٹر نے اعلان کیا تھا کہ گیزپروم نے اسی دن آسٹریا کے آئل اینڈ گیس گروپ کو قدرتی گیس کی فراہمی روک دی ہے۔ آسٹریا کی سپلائی منقطع ہونے کے بعد سلوواکیہ یورپی یونین کا وہ واحد ملک تھا جو یوکرین کے راستے ٹرانزٹ پائپ لائنوں سے روسی گیس حاصل کر رہا تھا۔
20 دسمبر کو تاس نیوز ایجنسی کی رپورٹ کے مطابق، سلوواکیہ کے وزیر اعظم فیزو نے کہا کہ یوکرین کی جانب سے قدرتی گیس کی ترسیل میں رکاوٹ سلواکیہ کے قومی مفادات کو نقصان پہنچا رہی ہے اور اس کا پوری یورپی یونین پر منفی اثر پڑ سکتا ہے۔
