چین میں ڈیجیٹل گودام کی ترقی کے وسیع امکانات
بیجنگ: چائنا فیڈریشن آف لاجسٹکس اینڈ پرچیزنگ نے "چائنا ڈیجیٹل ویئر ہاؤسنگ ڈویلپمنٹ رپورٹ 2024” جاری کی۔ رپورٹ کے مطابق حالیہ برسوں میں چین کی ویئر ہاؤسنگ انڈسٹری کا مارکیٹ سائز 2019 کے 88.29 ارب یوآن سے بڑھ کر 2023 میں 153.35 ارب یوآن تک ہو گیا ہے اور گودام اور لاجسٹکس مارکیٹ کا پیمانہ مسلسل بڑھ رہا ہے۔ تاحال چائنا فیڈریشن آف لاجسٹکس اینڈ پرچیزنگ کی ڈیجیٹل ویئر ہاؤسنگ برانچ نے 31 صوبوں اور بلدیات کے 453 ڈیجیٹل گوداموں پر 9 کھیپوں کے آزمائشی پروگراموں کا اہتمام کیا ہے ، جو تکنیکی جدت طرازی سے اطلاق کی توسیع تک صنعت کی اعلیٰ معیاری ترقی کی صلاحیت کو جامع طور پر بہتر بناتے ہیں۔ رپورٹ کے مطابق، چین کی گودام کی صنعت میں انٹرنیٹ آف تھنگز کی بنیادی صلاحیت کے حامل موجودہ گوداموں کا تناسب 39فیصد ہے،پیپر لیس گوداموں کا تناسب 46فیصد ہے، لیکن ابتدائی پلیٹ فارم سروس فراہم کرنے کی صلاحیت کے حامل گوداموں کا تناسب صرف 9فیصد ہے، لہذا چین کے ڈیجیٹل گودام کی ترقی کے بڑے امکانات موجود ہیں.
