چین اپنے دفاع کی جوہری حکمت عملی پر سختی سے عمل پیرا ہے، چینی وزارت دفاع

بیجنگ :چینی وزارت دفاع کے ترجمان سینئر کرنل چانگ شیاؤ گانگ نے  جمعرات کے روز اقاعدہ پریس کانفرنس میں جوہری معاملے پر امریکہ کی جانب سے چین کو بدنام کرنے کے حوالے سے کہا کہ جوہری مسئلے پر امریکہ نے ہمیشہ فلیش لائٹ لگا کر خود کے بجائے دوسروں کو فوکس کیا ہے ۔ امریکہ کے پاس دنیا کا سب سے بڑا جوہری ہتھیاروں کا ذخیرہ ہے، وہ جوہری ہتھیاروں کے استعمال میں پہل کرنے کی پالیسی پر عمل پیرا ہے، دوسرے ممالک کو ڈرانے دھمکانے کے لیے جوہری ہتھیار استعمال کرتا ہے، اور جوہری پھیلاؤ میں ملوث ہوتے ہوئے محض "آگ سے کھیلتا ہے”، جو عالمی اسٹریٹجک سلامتی اور استحکام کو بری طرح متاثر کرتا ہے۔ بے بنیاد "چین جوہری خطرہ” کا بیانیہ پیدا کر نے اور پھیلانے کا مقصد امریکہ کی اپنی جوہری بالادستی کو برقرار رکھنے کے مذموم ارادے پر پردہ ڈالنا ہے ۔ترجمان نے کہا کہ چین اپنے دفاع کی جوہری حکمت عملی پر سختی سے عمل پیرا ہے، واضح طور پر وعدہ کرتا ہے کہ وہ پہل کر کے جوہری ہتھیار استعمال نہیں کرے گا، اور ہمیشہ اپنی جوہری قوت کو قومی سلامتی کے لئے ضروری نچلی ترین سطح پر برقرار رکھتا ہے۔چین کا کسی بھی ملک کے ساتھ اسلحے کی دوڑ میں شامل ہونے کا کوئی ارادہ نہیں ہے۔