بیجنگ: چائنا فیڈریشن آف لاجسٹکس اینڈ پرچیزنگ اور چین کے قومی محکمہ شماریات کے سروس انڈسٹری سروے سینٹر کی جانب سے 31 اکتوبر کو جاری کردہ اعداد و شمار کے مطابق اکتوبر میں چین کا مینوفیکچرنگ پرچیزنگ مینیجرز انڈیکس 50.1 فیصد رہا جو ستمبر کے مقابلے میں 0.3 فیصد پوائنٹس کا اضافہ ہے اور مسلسل دو ماہ سے ماہانہ اضافہ ہوا ہے۔ یہ مسلسل پانچ ماہ تک 50 فیصد سے نیچے رہنے کے بعد توسیع کی حد میں واپسی بھی ہے۔ صنعتوں کے لحاظ سے ، 21 مینوفیکچرنگ ذیلی شعبوں میں سے 12 میں پرچیزنگ مینیجرز انڈیکس 50فیصد سے زیادہ رہا ، جس سے ظاہر ہوتا ہے کہ زیادہ تر صنعتوں نے ترقی کے رجحان کو برقرار رکھا ہے اور مربوط معاشی بحالی میں اضافہ ہوا ہے۔ اکتوبر میں نیو آرڈرز انڈیکس 50 فیصد رہا جوستمبر کے مقابلے میں 0.1 فیصد پوائنٹس زیادہ ہے۔ پیداوار کے لحاظ سے ، مینوفیکچرنگ انٹرپرائزز کا پروڈکشن انڈیکس ستمبر کے مقابلے میں 0.8 فیصد پوائنٹس اضافے سے 52 فیصد تک پہنچ گیا ہے۔
