اسرائیلی افواج کا لبنان کے قصبوں اور دیہاتوں پر حملہ، 105 افراد شہید، 359 زخمی
بیروت: اسرائیلی فوج نے مقامی وقت کے مطابق 30 ستمبر علی الصبح لبنان کے دارالحکومت بیروت پر فضائی حملوں کا ایک نیا دور شروع کیا۔
لبنان کی وزارت صحت کا کہنا ہے کہ گذشتہ 24 گھنٹوں کے دوران بیروت کے جنوبی مضافات میں بیکا، بالبیک ہرمی قصبوں اور دیہاتوں پر ہونے والے حملوں میں مجموعی طور پر 105 افراد شہید اور 359 زخمی ہوئے ہیں۔
مقامی وقت کے مطابق 29 تاریخ کی شام کو اسرائیلی دفاعی افواج نے معلومات جاری کیں کہ اسرائیلی فوج نے جزب اللہ کے اہداف پر بڑے پیمانے پر حملہ کرتے ہوئے جزب اللہ کے تقریبا 120 اہداف کو نشانہ بنایا جن میں جزب اللہ کا فوجی انفراسٹرکچر اور مختلف افواج کے اہم اڈے بھی شامل ہیں۔
اٹھائیس ستمبر کو اقوام متحدہ کے سیکریٹری جنرل انتونیو گوتریس نے اپنے ترجمان کے ذریعے ایک بیان جاری کیا جس میں گزشتہ 24 گھنٹوں کے دوران لبنان اور اسرائیل کے درمیان کشیدگی میں تیزی سے اضافے پر گہری تشویش کا اظہار کیا گیا۔ انتونیو گوتریس نے کہا کہ تشدد کا یہ سلسلہ فوری طور پر بند ہونا چاہیے اور تمام فریقوں کو اس سے پیچھے ہٹنا چاہیے۔ لبنان اور اسرائیل کے عوام سمیت یہ وسیع خطہ جنگ کا متحمل نہیں ہو سکتا۔ انتونیو گوتریس نے تمام فریقوں پر زور دیا کہ وہ سلامتی کونسل کی قرارداد 1701 پر مکمل عمل درآمد کے عزم کا اعادہ کریں اور فوری طور پر جنگ بندی کریں۔ انہوں نے غزہ کی پٹی میں فوری جنگ بندی اور تمام قیدیوں کی رہائی کے اپنے مطالبے کا بھی اعادہ کیا
