بیجنگ:چینی صدر شی جن پھنگ اور ان کی اہلیہ پھنگ لی یوان نے بیجنگ میں ایک ضیافت کا اہتمام کیا جس میں چین افریقہ تعاون فورم کے بیجنگ سربراہ اجلاس میں شرکت کے لئے آنے والی بین الاقوامی شخصیات کا خیرمقدم کیا گیا۔شی جن پھنگ نے نشاندہی کی کہ ہر دفعہ افریقی دوستوں سے ملنےپر مجھے بے حد خوشی ہوئی۔چین افریقہ ہم نصیب معاشرے کی تعمیر کے وسیع امکانات ہیں جو انسانیت کے ہم نصیب معاشرے کی تعمیر کے لئے شاندار مثال قائم کر رہے ہیں۔ چین افریقہ ہم نصیب معاشرہ روایتی دوستی پر مبنی ہے۔ گزشتہ صدی کے وسط سے ہم سامراجیت، نوآبادیت اور بالادستی کے خلاف جدو جہد میں اور ترقی اور جدیدیت کے راستے پر ہاتھ میں ہاتھ ملا کر کھڑے رہے ہیں۔ چاہے بین الاقوامی صورتحال میں کتنی ہی تبدیلیاں رونما کیوں نہ ہوں، چین افریقہ روایتی دوستی وقت کے ساتھ ساتھ مضبوط سے مضبوط تر ہوتی جا رہی ہے۔
