چینی صدر کے خصوصی نمائندے اور نائب صدر کی فرانسیسی صدر میکرون کے ساتھ ملاقات
چین کے صدر شی جن پھنگ کے خصوصی نمائندے اور نائب صدر ہان چینگ نے پیرس کے ایلیسی پیلس میں فرانسیسی صدر میکرون کے ساتھ خوش گوار ملاقات کی ۔ ہان کو فرانس میں پیرس اولمپک گیمز کی افتتاحی تقریب میں شرکت کے لیے مدعو کیا گیا تھا ۔
ہان نے صدر شی جن پھنگ اور ان کی اہلیہ پھینگ لی یوان کی طرف سے میکرون اور ان کی اہلیہ بریگزٹ کے لیے تہنیتی کلمات کا اظہار کیا ۔
انہوں نے کہا کہ وہ پیرس اولمپک گیمز کی افتتاحی تقریب میں شرکت کے لیے مدعو ہونے پر بہت خوش ہیں اور انہوں نے پیرس اولمپک گیمز کی شاندار کامیابی کی خواہش ظاہر کی۔انہوں نے مزید کہا کہ رواں سال مئی میں صدر شی جن پھنگ کا فرانس کا سرکاری دورہ مکمل طور پر کامیاب رہا جس نے چین فرانس دوستی کی منفرد خوبیوں اور اعلیٰ درجے کا مظاہرہ کیا جو چین اور یورپی یونین کے تعلقات کی مستحکم ترقی اور عالمی امن و استحکام کے لیے بہت اہمیت کا حامل ہے۔میکرون نے صدر شی جن پھنگ اور ان کی اہلیہ کے لیے مخلصانہ جذبات کا اظہار کیا۔
اسی رات، ہان نے 33 ویں سمر اولمپکس کی افتتاحی تقریب میں بھی شرکت کی۔
