کولمبو :ایلیمنیٹر مرحلے میں کینڈی فالکنز کے خلاف کولمبو اسٹرائیکرز کو شکست کا سامنا کرنا پڑا جس کے ساتھ ہی لنکا پریمیئر لیگ میں اس کا سفر بھی اختتام پذیر ہوگیا ۔
رواں سیزن کے آخری میچ میں کولمبو اسٹرائیکرز نے شاندار کارکردگی کا مظاہرہ کرتے ہوئے فائنل تک پہنچنے کی کوشش کی گئی تاہم وہ کینڈی سے 51 سے شکست کھاگئی۔ سری لنکا پریمیئر لیگ سیزن 2024 میں کولمبو اسٹرائیکرز کی جانب سے ماتھیشا پتھیرانا، گلین فلپس اور شاداب خان کی کارکردگی نمایاں رہی۔ مذکورہ لائن اپ کے ساتھ ٹیم کے ٹاپ باؤلرز اور بیٹنگ آرڈر نے پوری سری لنکا پریمیئر لیگ مہم کا وزن اٹھایا۔
اپنی آل راؤنڈ صلاحیتوں کے لئے مشہور شاداب خان نے بلے اور گیند کے ساتھ اپنی متحرک شراکت سے کولمبو اسٹرائیکرز کی کامیابی میں اہم کردار ادا کیا۔ دباؤ میں آنے پر اپنی اسپن بولنگ اور جارحانہ بیٹنگ سے میچ کا رخ موڑنے کی ان کی صلاحیت نے انہیں کئی اہم میچ جیتنے کا موقع فراہم کیا۔ایل پی ایل 2024 کا پورا سیزن اپ سیٹ سے بھرپور تھا تاہم اسٹرائیکرز نے مسلسل اپنی ثابت قدمی اور مسابقت کے جذبے کا مظاہرہ کیا خاص طور پر جافنا کنگز، دمبولا سکسرز اور کینڈی فالکنز جیسے بڑے حریفوں سے سخت مقابلے کئے ۔
