جاپان کو کسی بھی شکل میں "تائیوان کی علیحدگی” کی حمایت نہیں کرنی چاہئے، چینی وزارت خارجہ

جاپان کو کسی بھی شکل میں "تائیوان کی علیحدگی” کی حمایت نہیں کرنی چاہئے، چینی وزارت خارجہ

بیجنگ : چینی وزارت خارجہ کے ترجمان لین جیئن نے پریس کانفرنس میں جاپانی کوسٹ گارڈ اور تائیوان کوسٹ گارڈ کی مشترکہ میری ٹائم ٹریننگ کے حوالے سے تبصرہ کرتے ہوئے کہا کہ چین جاپان کی تائیوان کے ساتھ مشترکہ بحری مشق سے سخت غیر مطمئن ہے اور اس کی سختی سے مخالفت کرتا ہے ۔جاپان نے تائیوان کے معاملے پر چین کے ساتھ پختہ وعدے کیے ہیں، بشمول یہ کہ وہ "دو چین” یا "ایک چین، ایک تائیوان” کے بیانیے میں شامل نہیں ہوگا اور "تائیوان کی علیحدگی” کی حمایت نہیں کرے گا۔یہ وہ موقف اور اصول ہے جس پر جاپان کو عمل کرنا چاہیے۔ ترجمان نے مزید کہا کہ چین جاپان پر زور دیتا ہے کہ وہ ایک چین کے اصول اور چین اور جاپان کے درمیان چار سیاسی دستاویزات کی روح کی پاسداری کرے، اپنی غلطیوں کو فوری طور پر درست کرے، کسی بھی شکل میں "تائیوان کی علیحدگی” اور علیحدگی پسند قوتوں کی حمایت نہ کرے اور آبنائے تائیوان کے امن و استحکام اور چین-جاپان تعلقات میں خلفشار پیدا نہ کرے۔