اسرائیلی فوج کا دریائے اردن کے مغربی کنارے کے شہر جنین پر حملہ، ہسپتالوں اور عمارتوں پر قبضہ کر لیا

اسرائیلی فوج کا دریائے اردن کے مغربی کنارے کے شہر جنین پر حملہ، ہسپتالوں اور عمارتوں پر قبضہ کر لیا

اسرائیل کی فوجی کارروائیاں اورفلسطینی مسلح گروہوں کی جوابی کارروائیاں جاری

الجزیرہ اور فلسطینی میڈیا کی شائع ہونے والی رپورٹس کے مطابق 25 مئی کی رات سے 26 مئی کی علی الصبح تک اسرائیلی فوج نے دریائے اردن کے مغربی کنارے کے شہر جنین پر حملے میں 30 سے زائد فوجی گاڑیوں کا استعمال کیا، علاقے کے تمام ہسپتالوں اور عمارتوں پر قبضہ کر لیا اور جنین پناہ گزین کیمپ اور دیگر مقامات پر فلسطینی مسلح گروہوں کے ساتھ شدید فائرنگ کا تبادلہ کیا۔ اسرائیلی فوج نے ایک نوٹس جاری کرتے ہوئے کہا کہ گزشتہ روز اسرائیلی فوج نے شمالی غزہ کی پٹی کے علاقے جبلیہ میں فلسطینی عسکریت پسندوں کے زیر استعمال انفراسٹرکچر کی ایک بڑی تعداد کو تباہ کر دیا ہے۔ جنوبی غزہ کی پٹی کے شہر رفح میں سرنگوں جیسے بنیادی ڈھانچے اور بڑی مقدار میں اسلحہ برآمد کیا اور تباہ کر دیا گیا۔ فلسطینی میڈیا ذرائع کے مطابق اسرائیلی فوج نے شمالی غزہ کی پٹی میں ایک مکان اور ایک اسکول پر فضائی حملہ کیا جس کے نتیجے میں خواتین اور بچوں سمیت 20 افراد شہید اور متعدد زخمی ہوگئے۔ اس کے علاوہ اسرائیلی افواج نے وسطی غزہ کی پٹی میں النصریت پناہ گزین کیمپ اور غزہ کی پٹی کے جنوبی شہر رفح کے مشرق میں ایک پناہ گزین کیمپ پر بھی فضائی حملے کیے جس میں نو افراد ہلاک اور درجنوں زخمی ہوئے۔

فلسطینی مسلح گروہوں بشمول حماس کی قاسم بریگیڈ اور جہاد کی قدس فورس نے غزہ کی پٹی میں کئی مقامات پر اسرائیلی افواج کے خلاف حملے جاری رکھے ہوئے ہیں۔ جبالیہ کے علاقے میں مسلح افراد نے راکٹوں کا استعمال کرتے ہوئے متعدد اسرائیلی ٹینکوں کو نشانہ بنایا اور اسرائیلی انفنٹری اسکواڈز کے ساتھ فائرنگ کا تبادلہ کیا۔ غزہ کی پٹی کے شمالی اور جنوبی حصوں کو الگ کرنے والی "نیکرم کوریڈور” میں مسلح افراد نے اسرائیلی ٹھکانوں پر گولہ باری کے لیے مارٹر گولوں کا استعمال کیا۔ رفح کے مشرقی علاقے میں مسلح افراد نے اسرائیلی یونٹوں پر حملہ کیا اور اسرائیلی ٹینکوں اور انجینئرنگ گاڑیوں پر راکٹوں کا استعمال کیا۔