چائنہ میڈیا گروپ کی جانب سے انٹیگوا اور باربوڈا براڈکاسٹنگ کارپوریشن کو میڈیا آلات کا عطیہ

چائنہ میڈیا گروپ کی جانب سے اینٹیگوا اینڈ باربوڈا براڈکاسٹنگ کارپوریشن کو میڈیا آلات عطیہ کرنے کی تقریب اینٹیگوا اور باربوڈا کے وزیراعظم کے دفتر میں منعقد ہوئی۔ انٹیگوا اور باربوڈا کے وزیر اعظم براؤن، وزیر خارجہ گرین، وزیر اطلاعات و مواصلات نکولس، اور اینٹیگوا اور باربوڈا میں چین کے سفیر زانگ ئین لنگ نے تقریب میں شرکت کی اور تقاریر کیں۔ سی ایم جی کےصدر شین ہائی شیونگ نے تحریری تقریر کی۔

انٹیگوا اور باربوڈا کے وزیر اعظم براؤن نے اپنی تقریر میں میڈیا آلات عطیہ کرنے پر چائنہ میڈیا گروپ کا شکریہ ادا کیا۔ انہوں نے کہا کہ چین کے سب سے زیادہ بااثر مین اسٹریم میڈیا پلیٹ فارم کے طور پر حالیہ برسوں میں چائنہ میڈیا گروپ کے بین الاقوامی اثر و رسوخ میں زبردست اضافہ قابل تعریف ہے۔ شین ہائی شیونگ نے اپنی تحریری تقریر میں کہا کہ سی ایم جی کی جانب سے آلات کا عطیہ چین اور انگولا کے رہنماؤں کے درمیان طے پانے والے اہم اتفاق رائے کو عملی جامہ پہنانے کے لیے ایک ٹھوس اقدام ہے۔ توقع ہے کہ یہ آلات اینٹیگوا اور باربوڈا براڈکاسٹنگ کمپنی کے کام میں مثبت کردار ادا کریں گے۔انٹیگوا اور باربوڈا کے وزیر اطلاعات و مواصلات نکولس نے کہا کہ وہ سی ایم جی اور دیگر چینی میڈیا کے ساتھیوں کا خیرمقدم کرتے ہیں کہ وہ میڈیا کوریج کے لیے یہاں آئیں۔

یاد رہے کہ رواں سال جنوری میں، اینٹیگوا اور باربوڈا کے وزیر اعظم براؤن کے دورہ چین کے موقع پر، بیجنگ میں "چائنہ میڈیا گروپ اور اینٹیگوا اور باربوڈا براڈکاسٹنگ کارپوریشن کے تعاون کی یادداشت” پر دستخط کیے گئے۔ چینی وزیر اعظم لی چھیانگ اور وزیر اعظم براؤن نے دستخطوں کا مشاہدہ کیا۔