"شی جن پھنگ کے پسندیدہ اقوال ” کا بین الاقوامی ورژن ہنگری میں بہت سے مین اسٹریم میڈیا پر نشر

چین کے صدر شی جن پھنگ کے ہنگری کے سرکاری دورے کے موقع پر چائنا میڈیا گروپ کی جانب سے تیار کردہ "شی جن پھنگ کے پسندیدہ اقوال ” کا بین الاقوامی ورژن مقامی وقت کے مطابق 8 مئی کو ہنگری کے قومی ٹیلی ویژن پر نشر کیا جائے گا۔ 4 مئی سے ، پروگرام کا ٹریلر اور پروموشنل ویڈیو ہنگری کے قومی روزنامہ ، پیس نیوز نیٹ ورک ، اور ہنگری میں بہت سے دیگر مین اسٹریم میڈیا پلیٹ فارمز پر نشر کیے جار ہے ہیں۔
مشترکہ خوشحالی اور سبز ترقی جیسے موضوعات پر توجہ مرکوز کرتے ہوئے ، "شی کے پسندیدہ اقوال” کا بین الاقوامی ورژن صدر شی جن پھنگ کی تقریر اور حوالہ دی گئی چینی کلاسکی اقوال کا انتخاب کرتا ہے ، بین الاقوامی نقطہ نظر سے چینی دانشمندی کی تشریح کرتا ہے ، صدر شی جن پھنگ کی شاندار سیاسی دانش مندی اور گہرے تاریخی اور ثقافتی علوم اور چینی طرز کی جدیدیت کے ثقافتی ماخذ اور نتیجہ خیز کامیابیوں کو ظاہر کرتا ہے۔
ہنگری میں زندگی کے تمام شعبوں سے تعلق رکھنے والے افراد نے اس پروگرام کی نشریات کو سراہتے ہوئے خیال ظاہر کیا ہے کہ یہ پروگرام ہنگری کے لوگوں کے لئے ملک پر حکمرانی کے بارے میں چینی رہنما کے خیالات کو سمجھنے کے لئے ایک کھڑکی کھول دے گا۔