چینی فوج جنوبی بحیرہ چین میں امن اور استحکام کو برقرار رکھنے کے لئے تیار ہے،ترجمان سدرن تھیٹر آف آپریشنز

چینی پیپلز لبریشن آرمی کے سدرن تھیٹر کے ترجمان ایئر فورس کے سینئر کرنل تھین جون لی نے کہا ہے کہ 7 سے 8 اپریل تک سدرن تھیٹر کی بحری اور فضائی افواج نے جنوبی بحیرہ چین کے پانیوں میں لڑاکا طیاروں کا گشت اور الرٹ ، مشترکہ بحری اور فضائی حملے اور جنگی جہازوں کی جنگی تیاریوں کا گشت، اور دیگر مشقوں سمیت تربیتی سرگرمیاں انجام دیں ۔
تھیٹر میں موجود فوجیوں نے جنگی تربیت اور تیاریوں کو جاری رکھتے ہوئے ہر لمحہ اعلی سطحی الرٹ کو برقرار رکھا ۔
ترجمان نے کہا کہ چینی فوج قومی خودمختاری اور سلامتی کے مضبوط دفاع اور جنوبی بحیرہ چین میں امن اور استحکام کو برقرار رکھنے کے لئے تیار ہے۔