تہران کا برج آزادی پاکستانی پرچم کے رنگوں میں رنگ گیا

ایران کے دارالحکومت میں یوم پاکستان کے موقع پر برج آزادی کو سبز ہلالی پرچم کے رنگوں سے روشن کردیا گیا۔
تفصیلات کے مطابق تہران میں پاکستان کے سفیر محمد مدثر ٹیپو نے یوم پاکستان کے موقع پر آزادی ٹاور پر تقریب میں شرکت کی جہاں یوم پاکستان اور نوروز کے تہوار کی ویڈیو میپنگ کی گئی۔

Deeply honored to have video mapping of 🇵🇰&🇮🇷 flags & monuments of 🇵🇰 at Azadi Square,Tehran marking National Day of 🇵🇰.It symbolized depth & breadth of ties of brotherly neighbors.Thousands of people joined historic moment.Immensely grateful toTehran for its cooperation&warmth. pic.twitter.com/r9T6RwtDWb

— Ambassador Mudassir (@AmbMudassir) March 22, 2024

پاکستان اور ایران کے تعلقات کی تاریخ میں یہ پہلی بار ہے کہ اس طرح کی ویڈیو میپنگ دکھائی گئی۔ روایتی آلات کی دھنوں کے ساتھ پاکستان کی قومی یادگاروں کی تصاویر بھی آویزاں کی گئیں اور دونوں ملکوں کے قومی ترانے بجائے گئے۔
دو ہمسایہ ممالک کے درمیان قریبی اور برادرانہ تعلقات کو ظاہر کرنے کے لیے پاکستان کے قومی پرچم کو ایرانی پرچم کے ساتھ روشن کیا گیا۔ تقریب سے پاکستانی اورایرانی عوام کی بڑی تعداد لطف اندوز ہوئی۔
سفیر مدثرٹیپو کا کہنا تھا کہ ایسے مواقع عوام اور ثقافتوں کے درمیان تعلقات کو مضبوط کرنے میں مدد کرتے ہیں، یہ دونوں برادر ممالک کے تعلقات میں ایک تاریخی لمحہ ہے جو ثقافت، تاریخ اور روایات کا اشتراک ہے۔