دبئی (سپورٹس ڈیسک) لیجنڈز کرکٹ ٹرافی میں نیو یارک سپر اسٹار اسٹرائیکرز کی پہلی شرکت شامل ہے۔ لیگ نے اسٹار اسپورٹس کو آمدہ ٹورنامنٹ کے لئے اپنا آفیشل براڈکاسٹنگ پارٹنر بنانے کا اعلان کیا ہے۔ یہ شائقین کو اپنے پسندیدہ نیویارک سپراسٹار اسٹرائیکرز کے سنسنی خیز مقابلے دیکھنے کا موقع فراہم کرے گا ۔ ٹورنامنٹ میں یوراج سنگھ، راہول شرما، اسورو ادانا اور دیگر شامل ہیں۔ یہ مقابلے 8 سے 19 مارچ 2024 تک سری لنکا کے شہر کینڈی کے پلاکیلے اسٹیڈیم میں ہوں گے۔لیجنڈز کرکٹ ٹرافی میں نیو یارک سپر اسٹار اسٹرائیکرز جیسی اعلیٰ درجے کی ٹیمیں 90 گیندوں کے سنسنی خیز فارمیٹ میں حصہ لیں گی جو کھیل کا تیز ترین فارمیٹ ہے 12 ایکشن سے بھرپور دنوں پر محیط اس ایونٹ میں 7 ٹیمیں شرکت کریں گی جن میں نیو یارک سپر اسٹار اسٹرائیکرز بھی پہلی بار شرکت کررہی ہے اور وہ 22 سنسنی خیز میچوں میں حصہ لیں گی۔نیو یارک سپر اسٹار اسٹرائیکرز کے مالک ساگر کھنہ کہا کہ انہیں خوشی ہے وہ لیجنڈز کرکٹ ٹرافی میں شرکت کررہے ہیں اور یہ میچز اب اسٹار اسپورٹس پر دیکھے جائیں گے یہ تعاون بے حد اہمیت کا حامل ہے۔
