اسلام آباد(نیوزڈیسک)پاکستان تحریک انصاف نے میاں اسلم اقبال کو وزیراعلیٰ پنجاب کا امیدوار نامزدکردیا
تفصیلات کےمطابق پی ٹی آئی رہنما بیرسٹر گوہر نے پریس کانفرنس کرتے ہوئے اعلان کیا کہ پارٹی کی جانب سے سابق صوبائی وزیر میاں اسلم اقبال کو وزیر اعلیٰ پنجاب کے لئے نامزد کیا گیا ہے۔بیرسٹر گوہر کا کہنا تھا کہ کسی کو حق نہیں کہ وہ جعلی مینڈیٹ سے حکومت میں آئے، کسی جماعت کے ساتھ کوئی پاور شیئرنگ نہیں ہوگی، میاں اسلم وزیراعلیٰ پنجاب کیلئے پارٹی کے امیدوار ہوں گے۔
انہوں نے کہا کہ پی ٹی آئی کے مینڈیٹ پر ڈاکا ڈالا گیا ،کسی جماعت کیساتھ پاور شیئرنگ نہیں کریں گے ،پیپلزپارٹی کے ساتھ مذاکرات نہیں ہوں گے ۔
