عوام اپنے حوصلے بلند رکھیں ،مشترکہ طور پر چینی طرز کی جدیدیت کا ایک نیا باب لکھیں گے،چینی صدر

بیجنگ(نیوزڈیسک) کمیونسٹ پارٹی آف چائنا کی مرکزی کمیٹی اور ریاستی کونسل نے بیجنگ میں 2024 اسپرنگ فیسٹیول گروپ میٹنگ کا انعقاد کیا۔
سی پی سی کی مرکزی کمیٹی کے جنرل سیکرٹری، عوامی جمہوریہ چین کے صدر اور سینٹرل ملٹری کمیشن کے چیئرمین شی جن پھنگ نے اجلاس میں ایک تقریر کی، جس میں انہوں نے سی پی سی سینٹرل کمیٹی اور اسٹیٹ کونسل کی جانب سے ملک بھر کے تمام نسلی گروہوں، ہانگ کانگ خصوصی انتظامی علاقے، مکاؤ خصوصی انتظامی علاقے، تائیوان اور سمندر پار چینیوں کو نئے سال کی مبارکباد پیش کی۔
شی جن پھنگ نے اس بات پر زور دیا کہ گزشتہ ایک سال کی محنت اور جدوجہد پر نظر ڈالتے ہوئے ہم نے مزید گہرائی سے محسوس کیا ہے کہ ایک مضبوط ملک کی تعمیر اور چینی طرز کی جدیدیت کے ساتھ قومی احیاء کے عظیم مقصد کو فروغ دینا نہ صرف چینی عوام کے لئے ایک بہتر اور خوشحال زندگی گزارنے کا روشن راستہ ہے بلکہ عالمی امن اور ترقی کو فروغ دینے کا ایک منصفانہ راستہ بھی ہے۔امید ہے کہ پورے ملک کے عوام اپنے حوصلے بلند رکھیں گے اور مشترکہ طور پر چینی طرز کی جدیدیت کا ایک نیا باب لکھیں گے۔