سعودی عرب میں پاکستان کے سفیر احمد فاروق نے عسیر ریجن کے گورنر اور ڈویلپمنٹ اتھارٹی کے چیئرمین شہزادہ ترکی بن طلال سے ملاقات کی جس میں دو طرفہ تعلقات سمیت دیگر امور پر تبادلہ خیال کیا گیا۔
تفصیلات کے مطابق پاکستان کے سفیر احمد فاروق عسیر کے گورنر ہاؤس پہنچے جہاں گورنر شہزادہ ترکی بن طلال نے ان کا استقبال کیا۔
ملاقات کے دوران دوستانہ بات چیت میں مشترکہ دلچسپی کے امور اور دونوں ملکوں کے درمیان تعلقات کو مضبوط بنانے کےطریقوں پر تبادلہ خیال کیا گیا۔
پاکستانی سفیر نے عسیر ریجن کے دورے پر خوشی کا اظہار کرتے ہوئے سعودی عرب کی ترقی اور خوشحالی کے لیے نیک خواہشات کا اظہار کیا۔