کراچی (نیوزڈیسک)کراچی ایئرپورٹ کےقریب بم دھماکا کیس میں اہم پیشرفت ہوئی ہے۔ سی ٹی ڈی نے ابتدائی رپورٹ عدالت میں پیش کردی۔
سی ٹی ڈی کی رپورٹ میں پاکستان اور چین کےتعلقات خراب کرنے کی سازش قرار قرار دیا گیا۔ رپورٹ کے مطابق دھماکے میں کالعدم بلوچستان لبریشن آرمی کو ملوث قرار دےدیاگیا۔
رپورٹ میں بتایا گیا کہ دہشت گردوں نےملک دشمن غیرملکی خفیہ ایجنسی کی مددسےدھماکا کیا، دہشت گرد نے اپنی گاڑی چائنیزباشندوں کےقافلےکےقریب لاکربلاسٹ کی۔
رپورٹ کے مطابق دھماکے میں 2 چینی باشندے لی جون اور سن ہوازین ہلاک ہوئے جبکہ ایک پاکستانی شہری بھی جاں بحق ہوا۔ رپورٹ میں پولیس،رینجرز اہلکار اور شہری زخمی ہونے کا تذکرہ بھی موجود ہے۔