چینی خواتین کا سائنس اور ٹیکنالوجی کی ترقی میں ایک ناگزیر قوت کا کردار
حال ہی میں بیجنگ میں 2024 گلوبل ویمن ان سائنس اینڈ ٹیکنالوجی انوویشن فورم کا انعقاد کیا گیا. فورم کا موضوع ” خواتین کی زندگی کو متحرک کرنا اور نئی رفتار پیدا کرنا” تھا، جہاں بہت سے ممالک کی ممتاز خواتین نے سائنسی اور تکنیکی جدت طرازی کے میدان میں خواتین کے اہم کردار اور شراکت پر تبادلہ خیال کیا۔
اطلاعات کے مطابق چین میں 40 ملین خواتین سائنسی اور تکنیکی اہلکار ہیں ، جو سائنسی اور تکنیکی کارکنوں کی کل تعداد کا 45 فیصد سے زیادہ ہیں ، اور قومی کلیدی تحقیق اور ترقیاتی منصوبوں میں 6 ہزار سے زیادہ خواتین پروجیکٹ رہنما ہیں۔ اپنی استقامت اور منفرد صلاحیت کے ساتھ ، انہوں نے سائنس اور ٹیکنالوجی کی ترقی میں ایک ناگزیر قوت کا کردار ادا کیا ہے۔
یونیسکو کی سابق ڈائریکٹر جنرل ایرینا بوکووا نے کہا کہ سائنس، ٹیکنالوجی، انجینئرنگ اور ریاضی (ایس ٹی ای ایم) میں خواتین کی شرکت کم ہے اور خواتین کے لیے مواقع اور حمایت بڑھانے کے لیے عالمی کوششوں کی ضرورت ہے۔