ایران میں قید پاکستانیوں کی رہائی، وزیر قانون اور ایرانی وفد کی اہم ملاقات

اسلام آباد(نیوزڈیسک)وفاقی وزیر قانون اعظم نذیر تارڑ سے ایران کے وفد کی ملاقات۔ وفد کی قیادت ڈاکٹر عسکر جلالیان ڈپٹی جسٹس منسٹر برائے انسانی حقوق اور بین الاقوامی امور نے کی۔ ملاقات میں باہمی دلچسپی کے امور پر تبادلہ خیال کیا گیا۔ ایرانی وفد نے بتایا کہ اس وقت ایران کی جیلوں میں 160 پاکستانی قیدی موجود ہیں اور پاکستان میں 60 ایرانی قیدی تحویل میں ہیں۔
دونوں اطراف سے اس بات کا اعادہ کیا گیا کہ قیدیوں کی رہائی کے لیے وزارتِ داخلہ کے تعاون سے اقدامات کیے جائیں۔جیلوں میں قید پاکستانیوں کے ورثاء نے اْن کے عزیزوں کی حالت زار کو مد نظر رکھتے ہوئے انہیں رہا کرنے کی تجویز پیش کی گئی۔
انہوں نے تجویز دی کہ پہلے مرحلے میں ہیومینیٹیرین گراؤنڈز پر قیدیوں کو رہا کیا جائے گا اور پاکستان واپس بھیجا جائے گا۔ اور ایرانی قیدیوں کو واپس ایران بھیجا جائے گا۔ وزیر قانون نے اس تجویز کا کھلے دل سے خیر مقدم کیا اور اپنی طرف سے ہر ممکن تعاون کی یقین دھانی کروائی۔۔ وہ لوگ جو کسی قانونی جرم میں ملوث نہیں ہیں ان کے لیے ضرور اقدامات کیے جائیں۔ اس کے علاؤہ ملاقات میں سیاحتی اور تجارتی تعلقات کو بہتر بنانے کیلئے سفری اور کاروباری سہولیات فراہم کرنے پر بھی اتفاق کیا گیا۔ آخر میں دونوں اطراف سے مثبت کردار ادا کرنے کا اعادہ کیا گیا۔